الزفزافي: مصلحة الوطن فوق كولشي ووالدي أبو الأحرار والحرائر ومندوب إدارة السجون دار مجهودات كبيرة باش نحضر لكنازة والدي
اليوم الخميس خرج ناصر الزفزافي قائد “حراك الريف” من حبس طنجة2 باش يحضر لجنازة وفاة الوالد ديالو أحمد الزفزافي، والخروج ديالو من الحبس كان بموافقة المندوبية العامة لإدارة السجون.
الزفزافي قالة فكلمة دارها بعد تلقيه التعازي أنه “مكاين حتى حاجة تعلو فوق مصلحة الوطن”، قبل أن يصف والده بـ”أبو الأحرار والحرائر” اللي نذر حياتو كلها فسبيل الوطن.
وأضاف زعيم حراك الريف أنه مني كيقول الوطن كيقصد بيه من صحرائه وجنوب شرقه وشماله، مضيفا بالقول: “مصلحة الوطني راه فوق كل اعتبار، والاختلاف فالآراء خاصو يصب فنهاية المطاف فخدمة الوطن اللي كيشمل كل ربوعه.
الزفزافي شكر المندوبية العامة لإدارة السجون اللي عطاتو رخصة استثنائية باش يخرج يحضر للجنازة ديالو الوالد ديالو أحمد الزفزافي اللي كان مريض بالسرطان، وتدهورت حالتو الصحية، وقال بالحرف: “كنشكر إدرة السجون ممثلة في شخص المندوب العامة على المجهودات اللي تبذلات باش يتم السماح لحضوري مراسم الدفن.
وتابع قائلاً: “راه تحقيق هذا الأمر لك يكن بالسهل” لولا فضل الله تعالى والمجهود الكبير اللي دارو المندوب العام لإدارة السجون.
